Maxfiylik siyosati

Korvon — yuk egalari va yuk tashuvchilarni bogʻlaydigan ilova va veb-sayt. Bu sahifa qanday maʼlumot yigʻishimiz, nima uchun va kim koʻrishi haqida.

Qanday maʼlumot yigʻamiz

• Telefon raqamingiz — kirish uchun SMS kod yuboramiz.
• Ismingiz yoki kompaniya nomingiz va siz tanlagan rol (haydovchi, yuk egasi).
• Siz joylagan yuklar: yoʻnalish, yuk tavsifi, ogʻirligi, mashina turi, sana va narx.
• Texnik maʼlumot: qurilma turi, ilova versiyasi, IP-manzil va kirish vaqti — hisobingizni himoya qilish uchun.

Kim nimani koʻradi

• Siz joylagan yuk va ismingiz boshqa foydalanuvchilarga koʻrinadi.
• Telefon raqamingiz eʼlonlarda koʻrsatilmaydi. U faqat ikki tomon kelishuvni tasdiqlaganidan keyin, faqat oʻsha kelishuvdagi ikkinchi tomonga ochiladi.
• Maʼlumotlaringizni sotmaymiz va reklama uchun uchinchi shaxslarga bermaymiz.
• SMS xabarlar SMS xizmat koʻrsatuvchi orqali yuboriladi; unga faqat telefon raqam va kod matni beriladi.

Qayerda va qancha saqlanadi

Maʼlumotlar Oʻzbekiston Respublikasi qonunchiligiga muvofiq saqlanadi. Kirish kodlari bir necha daqiqada eskiradi. Hisobingizni oʻchirsangiz, ismingiz va telefon raqamingiz darhol oʻchiriladi, ochiq yuklaringiz bekor qilinadi. Qonun talab qiladigan yozuvlar shaxsni aniqlamaydigan holda saqlanishi mumkin.

Hisobni oʻchirish

Ilovada: Profil → Hisobni oʻchirish. Batafsil: hisobni oʻchirish.